房祖名早排拍新戲《男兒本色》時要同男人接吻，搞到佢一時話好過癮，一時又話身心受創，思緒好混亂。嗰場戲講飾演警察嘅祖名喺街上巡邏，見到男乞兒呼吸困難，於是幫佢做人工呼吸。祖名話未同過男人接吻，拍之前擔心咗兩日，拍嘅時候仲牙撞牙㖭，搞到上唇損咗，仲要拍多幾個take先得，佢話：「同男人咀好唔自然，都係錫女仔好啲。」