關智斌（Kenny）前晚偕師妹鍾舒漫往太古城出席電影首映禮，提到Yumiko露點一事，Kenny說：「我哋冇見面，但有同佢電話聯絡，知佢冇乜嘢，𠵱家喺屋企休息緊，件事過咗去，唔想再撩起。」
「冇得怪人」
同走跳舞路線的鍾舒漫被問到上台前會否做足安全措施時，她說：「自己平時好穩陣，上台之前會試吓跳，睇吓有冇走光，發生呢件事好驚，惟有小心啲。」
此外，Kenny、李逸朗（Don）及蔣雅文（Mandy）昨日在尖沙嘴出席美容活動，經理人Kitty透露Yumiko返港後沒哭過，也毋須接受心理輔導，她說：「某程度係佢自己唔小心，冇得怪人，都要接受，但佢好成熟好堅強，我知道佢都冇怪祖兒。」並透露Yumiko後日復工返內地工作，大會要求她唱慢歌，但不是因露點事件而臨時更改。
Mandy則表示前日收到Yumiko電話，她說：「佢叫我唔使擔心，聽佢語氣好輕鬆冇乜嘢，可能佢悶想搵個朋友傾偈，不過佢叫我唔好去陪佢，因為好多記者喺樓下等。」
採訪、攝影：藍文浩、馬建華、陳偉權