鄭少秋噚日喺九龍灣出席「時空穿梭千萬年暨尋秦記之兵馬俑展」開幕禮，提到沈殿霞（肥姐）嘅身體狀況，秋官透露從欣宜口中得知，肥姐嘅病情進展良好，但就要定期做檢查。秋官又話同肥姐較少聯絡係因為對方有好多應酬，佢笑笑口話：「肥姐有好多應酬，又要食飯同打牌，休息係要，但都要放鬆一吓。」