鄭裕玲（嘟姐）及其他來自不同界別的女性，前晚在金鐘領取由《JESSICA》雜誌頒發的成功女性獎項。嘟姐接受訪問時句句不離數字，大晒身上10萬元的GiorgioArmani新裝及手上重3卡的鑽戒，又指自己入行32年，對拍劇已沒興趣，並透露年底是她與呂方拍拖的15周年紀念。
鄭裕玲、JoyceMa女兒馬美儀、中國前奧運體操選手桑蘭、蔣麗莉等來自不同界別的女性，前晚齊往金鐘領取由《JESSICA》雜誌頒發的「成功女性2007獎項」。
慶祝拍拖15周年
嘟姐如常一身貴氣打扮出現，訪問中並句句不忘提數字，她說：「今日（即前晚）唔可以唔講，我身上件GiorgioArmani成10萬蚊，係佢哋贊助我嘅。」再配上嘟姐手上重3卡的鑽戒，可謂艷絕全場，她說：「今晚其他得獎者都好低調，我已經費事戴大粒（鑽戒）嚟㗎啦。」問她手上鑽戒是否呂方所送？她說：「唔係，佢送畀我嗰隻係心形嘅。」
嘟姐透露今年年尾是與呂方拍拖的15周年，問屆時會怎樣慶祝？她說：「冇乜特別呀，佢要拍劇嘛。」那有否給予他意見？她說：「唔使啦，呢啲佢識㗎啦。」會否情侶檔合作拍劇？她說：「應該唔會啦，我𠵱家主要做主持同司儀工作，我入行32年啦，唔會拍劇㗎啦。」
指陳茵媺要惡補
問到會否開班授徒教新人做司儀的技巧，尤其最近應屆港姐冠軍陳茵媺任司儀時表現欠佳時，嘟姐說：「開班授徒呢個主意都唔錯，陳茵媺佢真係要惡補一吓啦。」
採訪：GeneNg
攝影：DickyChan
