陳苑淇（Jolie）前晚到中環出席「BrewingArtoutofBeer」的現場藝術表演，她透露自己學習油畫半年，主要繪畫風景、裸女及狗。問她畫裸女是否以自己作模特兒時，Jolie說：「都想呀，不過我哋畫畫時係對住張相畫，現場仲有其他學生，費事俾同學睇到自己，對自己身材冇信心。」
自繪油畫
再問Jolie如繪畫自己會否將身材美化？她說：「係呀，會美化自己畫大啲。」她稱希望在30歲前可以繪畫自己的裸體，她說：「𠵱家距離30歲仲有6年時間，到時應該可以自己畫，唔再需要有老師輔導，但自己身材未夠fit，近排肥好多，連媽咪日前打我籮柚，都話我個籮柚大咗好多。」
採訪、攝影：駱華齡