所謂家家有本難念的經，除了孤兒之外，每個人都會有一本屬於自己和家人的「經」。網友「黑骨精」的家事與很多人相似，就是要努力賺錢養家。特別之處在於她雖然每個月也畀足家用母親，卻沒有「住家飯」食而要自己買外賣，令她十分不滿。
除此之外，黑骨精對母親亦諸多控訴，「我阿媽冇做好家務，她本身已經不用工作，洗衣服又唔睇清楚，又唔願清潔，廁所又黃又臭，仲衰過公廁。」她更表示，她的母親偏心，只寵愛妹妹而忽視她。
阿哥返歸即刻斬料
對於黑骨精這樣批評母親，不小網友都「熱烈」回應。網友「精甩尾」率先回應，「好老土講句，甚麼都可以揀，惟獨是家人唔可以揀，有啲嘢會越諗越灰㗎，我唔方便講誰是誰非，因為真係清官難審家庭事。」BiBi則說與黑骨精感同身受，「我也是一個月都冇一餐食屋企飯，不過家用照畀，但竟然要自己買外賣返去食！我阿哥搬咗出去住，只要一回家吃，就斬晒料，有魚翅食，誇唔誇？」