仲有3日就係香港回歸10周年，各大機構不約而同搞回顧或展望，噚日美商會請咗8位前任主席分享佢哋對97前後香港嘅印象，連埋現任主席，9人排排坐（圖），氣勢十足。
所有前主席都覺得，香港資金可以自由進出，基金同其他金融機構又可以自由投資本港市場，加上良好嘅法律、人權同基建，相信未來仍然可以保持國際金融中心地位。
現任主席兼花旗集團全球交易服務部亞太區關係管理部主管祈裕庭（GaryClinton）就話，未來上海經濟發展更迅速，唔排除亞洲區同時有兩個金融中心喎。咁係咪暗示香港金融業嘅優勢慢慢消失緊呢？
梁鑑章攝