滙控大班葛霖，除咗統領獅子行全球20幾萬員工外，亦係牧職英國聖公會嘅周日牧師（Sundaypastor），呢位謙謙君子，點樣一手抓財經，一手抓聖經，喺呢個人慾橫流嘅金錢世界裏面，做個有腦而清醒嘅信徒，相信好多人都想知道佢嘅心得。
葛大班嘅著作《ServingGod？ServingMammon？》（Mammon代表金錢），最近翻譯成中文本《天國與財利》，登陸本港，承着滙控主席身份嘅號召力，或會吸引慕名者，再次拜讀這本已經斷版嘅舊作，據聞有教會團體已鐵定下月中，就葛霖本大作，引發上帝與金融市場如何平衡嘅討論，舉行研討會，難怪連香港大班鄭海泉都講笑話，呢本可能係今年本港最暢銷書。
噚日葛霖來港，話本書係佢12年前舊作，好可惜𠵱家已經冇乜時間再寫新書，不過一得閒唔使出埠，佢就會返禮拜堂，擔任周日牧師。