如果03年7.1大遊行50萬人上街是中產、專業人士的怒吼，事隔四年，他們心裏那團怒火未因經濟好轉而熄滅。專業、理性的思維，將滿腔怨憤轉化為主動問政的力量。工程師陳啓遠這幾年放下身段「企街」派傳單、年年7.1風雨不改爭取普選。回歸十年，眼見新問責班子「AO回朝」，他有感政務官威迫專業人士「為政治服務」的手段勢必越演越烈，「一日冇民主政制，專業人士嘅聲音都唔會被正視！」
以專業意見粉飾政治手段
「專業人士追求普選，係為咗要香港有良好嘅管治。」陳啓遠說，03年7.1，港人以人民力量踢走前特首董建華，但標榜強政勵治的現任特首曾蔭權，也不見得有任何政績：「例如佢選舉嗰陣話支持小班教學，到佢當選之後咪冇晒聲氣」。「我發覺，如果冇普選，邊個上場都會變。在缺乏認受性的政權下，政治化妝師將專業意見視作粉飾政治決定的手段，令他們「專」嚴盡喪。」
「好似拆天星、拆皇后碼頭咁，我哋工程界有乜嘢話保留唔到？但係政府要借工程師把口話做唔到。又好似地鐵站內起廁所，邊有可能起唔到？政府又話專業意見都話好難，冇如實向公眾反映情況！」陳啓遠續說：「香港有三分一嘅工程師打政府工，做私人機構嘅，好多都靠做政府合約，可以話好睇政府臉色。」
他越來越感到，普選是香港前途的唯一出路。「最緊要係有民主制度，咁有乜唔公平嘅嘢，都可以講出嚟」。04年全國人大否決香港07、08年雙普選，令一向不熱衷政治的陳啓遠，決定主動問政。
今年7.1陳啓遠會如常上街。但要改變香港，始終要靠人民力量。陳說：「如果再有幾十萬人上街，曾蔭權就算幾唔願意，都要幫香港人向北京爭取普選。」公共專業聯盟主席黎廣德也估計，今年7.1將有更多專業人士上街，「除咗教師、醫生之外，好多政府合約工程師都冇人工加，同樣好不滿」。