明報噚日舉行股東特別大會，以99.9幾%通過同星洲報業同埋南洋報業個合併計劃，新公司會plan喺香港同馬拉同步掛牌，咁新公司幾時上到市、合併後有乜synergy、會唔會引入新股東……一連串回答機會唔大嘅問題，最終真係冇答案。
唯一最clear係被問到明報員工今年有冇人工加嗰陣，CEO張裘昌好豪咁話：「我好肯定有得加！」man到爆！張生話，無論係沙士、911，明報年年都有得加人工，今年仲要係政府帶頭加人工，佢哋壓力好大，咁即係加幾多呢？（呢條係華華代朋友問嘅）就要睇年尾埋單賺幾多……理得佢加幾多，總之講到明有就已經值得慶祝啦！