潘宗明是今次多倫多新秀歌唱比賽司儀之一，他昨日透過電話說：「事發時自己唔喺現場，後台又混亂，都唔知發生乜嘢事，原本我哋喺後台唞緊，喺Yumiko差不多唱完第一首歌嗰陣，工作人員突然叫我哋三個司儀出去撐住先，頂咗兩分幾鐘。我係返到後台之後，先至聽到有人講話Yumiko好似走光。」
問潘宗明有否見到Yumiko為此事落淚，他說：「咁又唔覺，Yumiko返咗入後台之後，我問現場觀眾仲想唔想聽Yumiko唱歌，跟住現場幾千人喺度起哄，大叫Yumiko個名，跟住佢就出番嚟唱咗3首歌，唔覺佢有乜嘢唔妥。」不少人認為電視台攝影師或導演應把鏡頭轉移至其他方向，甚至不應拍攝Yumiko的大特寫，對此潘宗明說：「我唔係太清楚件事，唔方便評論。」