新機地：《史力加3》跟戲打　<br>Fans教路：靠吸仙塵　掘金幣破關

新機地：《史力加3》跟戲打　
Fans教路：靠吸仙塵　掘金幣破關

風魔大、小朋友，暑假檔動畫大片《史力加3》聽日上畫；身為Fans嘅你除咗去麥記買個史力加頭箍，或者食個兒童餐換個公仔外，但又有無打過《史3》嘅Game呢？今次找來兩個史力加Fans，講吓自己有多喜歡史力加之餘，更教你打機攻略，點樣集合6個朋友力量去拯救國家！
記者：馬靜兒
攝影：伍慶泉

遊戲故事緊扣劇情

今次《ShrekTheThird》遊戲有多個平台，如XB360、Wii（美版）、PSP和NDS。遊戲故事跟劇情一樣，講夏洛國王突然病重，臨危受命要史力加夫婦繼任為國王同王后，史當然SayNo！於是急Call驢友、貓貓，一起出發尋找費安娜的遠房親戚—阿瑟王子頂檔。一直想登上王位的魅力王子卻乘機招兵買馬，率領一班童話世界的大奸角密謀叛變，費安娜公主立即組成公主兵團奮力頑抗，展開最激烈的王位爭奪戰！

■電影同遊戲一樣，講史力加同費安娜兩公婆被迫頂檔做國王和皇后。

■今集其中一樣秘密武器就是史力B，百厭兼成日嘔奶。

20個場景睇戲一樣

表現得很雀躍的阿草說，最吸引是打機好似置身在電影中，如投入角色冒險一樣。20個場景包括海盜船、冰洞、監獄等，部份只在遊戲中出現，好似邪惡皇后嘅城堡同工作坊等。有時單靠史力加一己的力量仍不夠，需要好朋友的幫助。如史力加體形太大，不能過大閘，就要借助貓貓的幫助。玩家由控制史力加，變了控制貓貓。

■樹妖係遊戲中難搞的敵人，攻擊力大又廣，見到要邊打邊走。

■首先出場一定是主角史力加啦！

■貓貓可愛又打得，仲可以幫史力加走入窄小的機關。

6個主角各有本領

JC就較攻略型，不斷提醒大家，地上有金執！「一邊行，記得一邊執地下的金幣，或者跳高從半空取金幣和食物，見到木桶、寶箱、石像和倒下的樹幹，記得要打破它，內裏就有很多金幣和仙塵（FairyDust），途中更要取得填色紙和紀念杯。當你不知往那一個方向，金幣可以指示方向所在，跟住走就可以。
每個角色都有自己的本領，但必須要有足夠的仙塵才能使出來。如史力加可使出OgrePower—減慢敵人速度，自己就可以容易過關；費安娜就最叻FlyingKick踢人，同時踢開阻擋的重物；貓貓就玩可愛CutePuss；阿瑟王子的劍術就最耍家。到了某一版，你可以到禮物店用金幣來買新衣和地圖。」