曼聯名宿教波成績普遍麻麻，其中恩斯就係典型。不過呢位領隊最近終於行前一小步，前日先炒上季英乙尾3球隊馬爾斯菲魷魚，然後昨日就落實執教英乙第4名、僅喺升班附加賽落敗嘅米爾頓凱恩斯。講真，我求大俠覺得恩斯不妨向舊上司費蛇取經，係咁執教低組別球隊唔係辦法，第日撞到舊曼聯袍澤好瘀㗎！