楊思琦近日頻頻接job搵真銀，更不時到外地拍攝旅遊特輯，她表示入行後無暇出外旅行，故今次公司安排她到澳洲拍攝旅遊節目，對她而言十分難得。她說：「我好多年前同啲舊同學去過希臘玩，仲去咗天體沙灘睇，真係大開眼界，外國人覺得好平常，反而我哋中國人見到都有少少尷尬。」問到思琦可有膽量天體時，她說：「我真係唔敢，有衫褲比較有安全感，而且我又唔使曬到成身古銅色。」
原來斯斯文文的思琦，十分喜歡享受陽光與海灘，她說：「不過好耐冇去，始終唔係好方便，怕俾人偷影。」
雪糕減壓
身材甚弗的思琦，平時十分喜歡以吃來減壓，她說：「夏天我最鍾意食雪糕，好享受食嘢嘅過程。」
此外，對於近來無綫不少小花上位，問到可會擔心其地位被取代時，她說：「我自己唔會咁樣去比較，不過就好多謝無綫畀咁多機會我演出。」
採訪：王崇穎
攝影：林德雄
服裝：Quiksilver
人物誌：冠軍小花最重愛情
楊思琦
年齡：28歲
三圍：34C、22、34
楊思琦是2001年度香港小姐四料冠軍，其後成為無綫合約藝員，曾參演《隨時候命》及《天機算》等多部劇集。在石硤尾大坑西邨長大的她，中小學均就讀瑪利諾神父教會學校，加上畢業於香港教育學院，一向予人乖乖女感覺，去年勇奪無綫台慶夜頒發的最佳女配角，氣勢不俗。但因與李泳豪（圖）高調拍拖，引起無綫不滿，但她堅持愛情行先，因此近日被投閒置散。
本欄逢周一至六刊出
