前中國國足教練米路素有神奇教練之稱，不過教着加勒比海球隊牙買加就魔力盡失。事緣牙買加嚟亞洲打熱身賽頻頻輸波，周日0:3不敵越南、之前又1:2不敵印尼，真失威！其實米路當年教美洲球隊哥斯達黎加同美國都好成功，呢次教牙買加應易過借火先啱㗎！希望嚟緊對馬來西亞同伊朗，米路可以挽回面子啦！