一個完美的天橋時裝騷，靚鞋靚衫絕對功不可沒，但在表演背後，有班化妝師，在極短時間內化足幾十個妝，一句呻攰也沒有，這是他們的專業態度。大師級化妝師旋風來香港，怎可錯過偷師機會？今日一個大玩假睫毛潮妝，一個玩簡單易學自然妝容，更有名模示範妝容。
記者：郭佩韻
攝影：林栢鈞
Model：Sabrina@Starzpeople
姚書軼×藍色閃石假睫毛
塗睫毛液是化妝的指定動作，然而塗得多難清理，又易脫睫毛，不少女生會黏假眼睫毛代替。黏假眼睫毛越來越多出位潮款，又彩毛又閃石，最適合Party用，平日出街就太過誇張。shuuemura今夏新出多款假眼睫毛，由普通至浮誇款色也有，先睇名模姚書軼示範藍色閃石系假睫毛妝容啦！
Steps
妝物
（allfromshuuemura25721694）
夏日新睫
假眼睫毛花碌碌，在Party時用最適合，但點樣襯妝容其他部份？YujiAsano話顏色要做到有對比效果，用色最好剛剛相反，例如假睫毛係綠色，其他用色可以橙來襯托，便可有鮮明而又突出對比的效果，去Party一定好搶鏡！左列是幾個實例示範。
大師教黏假睫毛
黏假眼睫毛很考功夫，少一點耐性便黏得不美，尤其是夏天，出油出汗，妝特別易溶，萬一假睫毛又甩甩哋，真是醜怪。shuuemura國際化妝師YujiAsano說：「想假眼睫毛黏得穩、不易脫落，便要識得好好運用膠水。你可以在假眼睫毛的頭、尾及中間重點塗膠水，黏時好好固定這三個位置便可。有些假眼睫毛太硬，用前要屈一屈，最重要係度好個眼形先黏，黏在不適合位置就會影響妝容效果。」
Steps
夏天持久妝容Tips
YujiAsano醒多我們一個貼士：「夏天妝容要持久，平日皮膚護理好重要，若果皮膚幼嫩，個妝都會持久好多。上粉前一定要用MakeupBase打底，咁就唔會令皮膚因日日化妝而變差。仲有如果易出油的女士，就唔好塗太多粉於出油位，好似鼻位、下巴位等，以免因過油而有溶妝情況，反而面旁位置掃多少少粉都唔怕。」
大師又說：夏妝持久記住帶噴霧
保濕不只是冬天要做，夏天一樣要。想妝容持久，就要由皮膚最底層做起，不可有丁點兒的偷懶！GIORGIOARMANIFaceDesignerLaurentMartin說：「夏天想個妝容持久不易脫落，最緊要係皮膚本身夠水份。平日多用保濕產品，有時出街帶支小型水噴霧，喺咁上下噴一噴，等幾秒鐘，唔好用手抹走啲水，等佢自已慢慢亁，自然會融化於粉底中。咁做可以有效保濕，個妝又唔會溶，好幫得手㗎！」
Steps
妝物
（allfromGIORGIOARMANI31885903）
大師教多你三招
1.好多女士都會有上粉後眼底出亁紋的煩惱，LaurentMartin教路，可以把粉底加保濕Cream一齊用，有保濕效果，不會有亁紋出現。
2.LaurentMartin話想個胭脂掃得均勻，兼可以突出臉部輪廓，可輕壓胭脂掃，打圈旋轉式掃，胭脂色就不會一嚿嚿，初學化妝人士不妨一試。
3.記得要徹底落妝，不可以讓任何妝容污物積聚。每天要多做保濕功夫，塗Cream敷Mask都好，皮膚滑滑，化任何妝都一樣靚。