唔好以為過咗青春期就唔會長出青春痘，睡眠不足、工作壓力，經常進食高脂、刺激的食物都會導致痘痘形成，搽幾厚粉都遮掩唔住。有研究指出含鋅質的食物對暗瘡的破口和發炎都有舒緩及加速癒合之效，而維他命A則可維持皮膚細胞健康，減少毛孔閉塞，防止痘痘形成。痘痘ByeBye，自信心都返晒嚟啦﹗
記者：趙珮倩
攝影：陳偉強
Model：Josephine@綜藝社群
示範：逸東酒店逸東軒
行政總廚譚棟
龍蝦鮮果沙律
需時：20分鐘
價錢：$300/2人
材料：龍蝦1隻、鮮雜果1杯、沙律醬1湯匙、牛油/檸檬汁/煉奶各少許
做法：先將龍蝦烚熟，以冰水冷凍後起肉備用；鮮雜果與沙律醬/牛油/檸檬汁/煉奶拌勻，加入龍蝦肉略拌即可。
九層塔薑葱美國生蠔煲
需時：15分鐘
價錢：$50/4人
材料：美國桶蠔8隻、九層塔數塊、亁葱/薑/葱/紅辣椒粒各適量、雞粉/糖各1茶匙、蠔油1茶匙、麻油/生粉各少許
做法：先將桶蠔汆水，瀝亁後撲生粉，下滾油炸至黃金備用；燒熱鑊，爆香亁葱/薑/葱/紅辣椒粒/九層塔，桶蠔回鑊，下雞粉/糖/蠔油/麻油兜勻即可。
貼士：炸蠔前要將蠔完全瀝亁，否則會炸到出水。
珊瑚蛋白翡翠
需時：10分鐘
價錢：$50/4人
材料：西蘭花8両、雞蛋6隻（取蛋白）、牛奶2湯匙、蟹肉10両、蟹子少許、雞粉/鹽/糖各1/2茶匙、雞湯1杯
做法：西蘭花以雞湯煨入味，圍碟邊。蟹肉烚熟備用；蛋白拂勻，加入牛奶/鹽/糖/雞粉拌勻，下油鑊以慢火炒至凝固，下蟹肉兜勻放碟中央；最後放上蟹子點綴。
野菌蘭度南瓜盅
需時：30分鐘
價錢：$80/4人
材料：日本南瓜1個、芥蘭4両、野菌/鮮冬菇各2両
汁料：忌廉奶1/4杯、椰汁3湯匙、咖喱粉1/2湯匙、亁葱/牛油/麵粉各1湯匙、雞湯1杯
做法：南瓜挖走部份瓜肉，蒸瓜殼15分鐘備用；芥蘭去葉切段，與野菌/鮮冬菇一同以雞湯煨入味備用。燒熱鑊煮滾汁料，下野菌/鮮冬菇兜勻，所有材料放入南瓜盅內，預熱焗爐以100℃火焗大約7分鐘即成。
杏汁燉津梨
需時：25分鐘
價錢：$10/1人
材料：雪梨1個、雪耳少許、龍杏1両、冰糖5錢、水2/3杯
做法：先將雪耳浸腍，冰糖用水浸溶，雪梨去心切件備用；將龍杏加入冰糖水，以攪拌機打至起茸，隔渣倒出，放入雪梨/雪耳燉20分鐘即可。
抗痘痘要食乜？
