近日有消息指現年52歲的米雪，到西藏拍攝《御藥堂》旗下的冬蟲草產品廣告時，因患上高山症而昏迷入院，需靠氧氣罩幫助呼吸，情況令人擔心。
尹志強憂心
事件曝光後，米雪的男友尹志強昨日接受有線娛樂新聞台電話訪問時說：「我早兩日都打唔到電話畀佢，都好擔心，啱啱先收到佢助手嘅電話，話佢平安啦，醒番冇乜嘢，喺醫院檢查緊，大家可以唔使擔心。」被問到米雪何時返港時，尹志強說：「我知佢聽日11點會返嚟香港再做檢查。」
消息指米雪去年到西藏拍廣告時，已曾出現高山症症狀，對此尹志強說：「上次係有少少缺氧，唔係好嚴重，所以佢今次去都考慮咗好耐，我同佢講你自己決定上唔上啦。我本來想同佢去，不過醫生唔畀我去，因為我身體仲差過佢。」
此外，健康產品御藥堂昨日傍晚發出通告，清楚寫明米雪於今日早上11時乘坐飛機返港，看來甚懂宣傳之道。
撰文：林妃