陳啓泰（Ken）昨日率領張文慈（Pinky）及珈潁等組成亞視龍舟隊參賽，同組有無綫及有線等隊伍。前港隊單車代表洪松蔭擔任旁述，怎料開賽時他睇錯隊名說：「亞視贏緊無綫，喺呢度先睇到。咦！係我睇錯，原來係藝進同學會同無綫領先，都話亞視冇可能贏無綫。」全程旁述都明踩亞視，最終亞視得第四。觀眾替亞視不值，當龍舟埋岸時都鼓掌打氣。賽後亞視向大會投訴，洪松蔭即時為失言公開道歉。
促霍震霆亮相亞視
此外，亞視董事兼營運總裁何定鈞和霍震霆昨日到跑馬地，出席香港點心衞視電視台舉行啓播活動，何定鈞甫見霍震霆出現即向對方說：「唔好成日上無綫節目啦，遲啲要亮相多啲亞視。」弄得霍震霆不知如何反應，對於無綫有意力谷旗下女藝人行性感賺錢，何定鈞表示只會做好自己，不會評論其他。採訪、攝影：馬建華