奧運資格賽，意大利U21戰葡萄牙U21爭取決賽周身份，評論捧意大利將輕勝葡萄牙兼實牙實齒，肯定賽果是3:1。
如果球賽似風水佬擺起羅庚格局，隨便批命批勝負，那麼睇波的場面便無需進行了。睇波的興奮刺激，就是未到最後一秒鐘，誰也不得知曉賽果。
弱旅有翻身之日
球評按照意大利近3次對葡萄牙均贏波，憑往績作預測也非無中生有，但贏了3次不表示就贏下一次，誰可預見世界盃意大利勝出？又誰可估計98年法國爆冷捧盃？做事後孔明容易，除非巴西對中國，大可預見人家畀面請我們吃8隻蛋；幾年前巴西在廣州對中國，筆者睇吓睇吓，係咁易就應該8:0，然而超過百分之九十的同胞觀眾都十分有風度，巴西入波一樣掌聲雷動，更認為巴西放水，不然我們隨便也吞13蛋……
莫欺少年窮是人生態度，睇波態度亦需莫欺弱隊，世事輪流轉，打波翻身事件層出不窮，莫為人批命。
鄧達智
以出色品味穿梭時裝界，對足球熱愛始終如一。