韓星尹恩惠新劇《咖啡王子1號店》下月2號就會首播，雖然拍攝工作進行得如火如荼，但佢依然抽空喺下月4號飛往台北，為DHC化妝品牌宣傳。另外，電視台日前公開咗多張《咖》劇宣傳照片，當中包括好有特色嘅咖啡室，同埋尹恩惠嘅自拍照，真係唔敢相信短髮嘅佢會變得咁男仔！Fans見偶像拍得咁辛苦，早前就自發送咗大量零食畀全體劇組人員，令大家非常感動。