年僅17歲的模特兒王丹妮（Louise），樣子有點像台灣名模林嘉綺，天生擁有模特兒的骨架，皮膚黝黑，嘴唇略帶性感，性格可愛，出道8個月已拍過不少電視廣告，例如於內地和日本播放的Maybelline唇膏廣告及高登眼鏡等。
儲錢讀書
就讀中學的Louise，上年因參加Elite世界精英模特兒大賽而晉身model行列，更在亞太區的香港和上海區賽獲得冠軍，她剛完成期末考試，之後便會停學，9月會隻身前往巴黎發展模特兒事業，她說：「得獎後我簽咗EliteModel，公司推薦我去法國試接job，其實我有啲緊張，怕去到巴黎言語不通，不過我覺得自己都好幸運，有機會去歐洲發展，父母都好支持我嘅決定。我覺得做模特兒好好玩，又exciting，而且仲可以喺短時間之內好快搵到錢，我會將賺到啲錢儲起，將來去外國讀書。」
自小被朋友叫「高妹」的Louise，自言食量驚人，她說：「其實我冇運動嘅習慣，天生比較骨感，食極唔肥。雖然我有5呎11嘅高度，但體重只得109磅，其實我都想肥番小小，着衫會好睇啲。」皮膚黝黑的Louise其實不好戶外活動，反而喜歡留在家中聽歌和睡覺。
採訪：JessicaNgan
攝影：EdwardChou
示範：LouiseofEliteModel
服裝：Roxy
場地：黃金海岸遊艇會
人物誌：唇情少女美絕中華
王丹妮（Louise）
年齡：17歲
三圍：32、23.5、34.5
王丹妮去年參加Elite世界精英模特兒大賽而成為model，在亞太區的香港和上海區賽獲得冠軍（圖中），可惜到了在摩洛哥舉行的總決賽未能進入15強。天生性感厚唇的Louise，獲美國著名化妝品公司Maybelline青睞，拍了一輯唇膏廣告之外，近期也拍了高登眼鏡（LensCrafter）和恒生銀行廣告。
本欄逢周一至六刊出
