張智霖和楊思琦等前晚到將軍澳電視廣播城錄影節目，雖然受環保大道示威事件影響了錄影時間，幸而最終順利演出。入無綫之路不易，欲自強的亞視頻向藝員招手，與無綫沒有合約的張智霖不排除與亞視合作，但他今年想先為無綫拍一齣劇；傳聞坐冷板凳的楊思琦則表明誓死效忠無綫。
張智霖（Chilam）、楊思琦、貝安琪和官恩娜等前晚在將軍澳錄影節目《奧運玩得叻》，前日將軍澳環保大道發生建築工人示威事件，令出入將軍澳工業區的道路完全癱瘓，無綫惟有緊急通知眾嘉賓等道路回復暢通後才到電視城，並取消現場觀眾參與錄影。結果本來8時開始錄影的節目，嘉賓於8時才陸續到達，延遲了45分鐘。
「有好劇本會拍」
Chilam說：「我都塞咗好耐車先入到嚟，不過好小事啫，好彩都嚟到，我好耐冇嚟電視城。」楊思琦則說：「我揸車入嚟，俾警察攔住話唔畀入，卒之兜圈兜咗20分鐘，都未試過咁樣，我本來擔心入唔到嚟。」官恩娜表示收到通知後，等道路暢通才出發，她說：「好彩都安全到埗，我見有幾十架警車，未見過環保大道咁大件事，見到啲人步行出入呀。」
自從何定鈞過檔亞視後，亞視挖角之聲不絕，Chilam和思琦先後被指是目標人物，Chilam直認有過檔亞視的無綫前高層聯絡他，他說：「有uncle搵我，有傾吓，但冇任何決定，錢唔係一切，重要嘅係角色。」問Chilam想不想拍劇？他說：「我成日都睇電視劇，睇好多無綫劇，有好劇本都會拍，時間夾到都想幫無綫拍，要經理人傾，睇吓啲期啱唔啱。」他又表示只要有好劇本，希望今年可以拍一齣電視劇。
貝安琪學功夫
有傳思琦因高調拍拖激嬲無綫，以致沒機會參演劇集，前晚她強烈否認亞視曾向她招手，還表明誓死效忠無綫，她說：「絕對冇人搵過我，我同TVB有約在先，又啱啱續咗約，我好鍾意呢間公司，一入行就喺呢度，真係唔會走。」問她現在是否坐冷板凳中，她說：「𠵱家嚟錄影咪工作囉，唔係點會喺度呀？」
貝安琪則透露跟李暉學功夫3星期，為明年拍功夫片作準備，她說：「好彩我做咗5年瑜伽，有啲幫助，但打功夫都好辛苦。」
採訪：王崇穎
攝影：仇志德
