佛前獻唱人潮隨煙散<br>官恩娜眼花「好多Fans舉牌」

佛前獻唱人潮隨煙散
官恩娜眼花「好多Fans舉牌」

慶祝回歸十周年,前晚寶蓮寺首次放煙花,還請來梁詠琪及官恩娜等一班歌星表演,約2,000觀眾到場,但幾乎全是為煙花而來,到煙花放畢後便陸續散去,關智斌及官恩娜等要對着千多張空凳唱歌,但二人卻堅稱看到很多人舉燈牌及揮手,相當詭異。

前晚香港各區舉行多個回歸騷,梁詠琪(GiGi)、官恩娜(Ella)、關智斌(Kenny)及鄧麗欣(Stephy)等於大嶼山寶蓮禪寺地壇廣場,出席《佛光照耀香港、離島區全民舞動慶祝回歸十周年》,除了有108位高僧進行為香港祈福儀式,還首次於寶蓮寺放煙花慶祝,吸引近2,000名市民到場。

交通分流提早離場

活動於8時開始,全場座無虛席,到9時放畢煙花後,觀眾即陸續離開,其後演出的歌星包括Kenny、洪卓立、方皓雯及壓軸的Ella魅力留不住觀眾,到最後只剩100人左右欣賞Ella獻唱,空凳滿場,與之前放煙花盛況相差甚遠,幸好還有十多名維持秩序的警員,趁機坐下欣賞Ella表演。大會公關表示,因交通安排問題,必須採分流式讓觀眾離場,故部份觀眾未能看畢整個節目。
事後Ella接受訪問說:「我見到都有好多fans舉燈牌呀,就算得幾十觀眾,都要顧佢哋感受,我唔可以走,要盡責任,好多謝啲人留低聽我唱歌。」Kenny演出時還有近二百觀眾,他說:「冇法啦,啲人都攰,好似話今朝早已經有活動,嗰陣仲少人呀,就算得一個人,我都會繼續唱。」

學警齊望收視回升

而GiGi、Stephy及吳日言等一早出場的歌手,沒有欠缺觀眾的煩惱,雀躍地以煙花作背景拍照,吳日言談到新劇《學警出更》收視因陶大宇及郭羨妮而下跌,她謂:「宣傳新聞啫,我啱啱出場,都怕人話我影響收視,希望嚟緊收視好啦。」
Kenny聞得被指在劇中應做女學警,他說:「咁好笑?監製話我同徐子珊係調轉㗎,我唔覺得自己似女仔,只係怕羞啲,惡意批評我唔理,有批評先有進步。」
採訪、攝影:王連連

小貓三四隻,官恩娜對住空凳唱歌。

首次在大佛放煙花,吸引近2,000名市民欣賞。

梁詠琪望見煙花,急不及待拍照留念。