男星「保嬰丹」同佢個第二任老婆「椰絲」好恩愛，椰絲係選美出身，又靚又後生，加上同保嬰丹生咗個女，所以保嬰丹真係錫到佢兩母女燶，仲成日一家三口出嚟做晒幸福真人騷。
其實保嬰丹多年前同前妻都生咗個仔，當年佢哋兩公婆仲爭個仔嘅撫養權，最終囝囝就跟咗阿媽，關仁以為保嬰丹爭得囝囝嘅撫養權，都應該好錫個仔，點知保嬰丹呢幾年都重女輕男，只係喺人前提自己個寶貝女，絕口唔提個仔，雖然間中都會帶埋個仔出席朋友聚會，不過就同囝囝好生疏，搞到個小朋友好孤單。關仁覺得小朋友無罪，佢同個仔咁疏離，會影響小朋友嘅心智成長，保嬰丹應該帶埋囝囝出嚟，證明佢係一個負責嘅好爸爸。
Textby關仁