前辣妹MelB今年4月誕下愛女Angel後，一直指經手人愛廸梅菲（EddieMurphy）唔肯認數，仲要求去比華利山嘅醫院驗DNA。美國雜誌《People》最新一期刊登咗DNA測試，證實Angel嘅父親如假包換係愛廸，不過佢嘅發言人暫時唔肯為事件作任何回應。早前愛廸去醫院檢驗時曾經話過，如果證實係骨肉嘅話，就會做自己應做嘅事，唔知佢會唔會反口呢？