【本報訊】一名從事瓷磚生意的蘇姓港商，昨與三名香港朋友從佛山包白牌車返港時，在廣深高速公路虎門段撞向貨車，蘇因傷重不治，車上其餘四人，包括司機則受輕傷。「當時我行緊快線，時速約110公里，我見到快線上停咗部貨車就撞埋去嘞。」肇事白牌車楊姓司機說，「可能同佢冇戴安全帶有關啦！」
時速約110公里
車禍中死亡港商蘇偉南（49歲），家屬事後已趕到東莞辦理後事。據其友透露，蘇的瓷磚生意遍佈中港及澳門，每次北上都會叫相熟的白牌車司機接送；前日下午，他與三名香港朋友到佛山傾生意，並在當地逗留一夜。
昨日早上6時許，楊姓司機依蘇的指示，到佛山皇都賓館接他們一行四人返港。「佢嘅三個朋友，一個坐前面，另兩個坐後排左右，蘇生就坐中間位置。」車禍中頭部受輕傷姓楊司機（38歲），昨通過電話向記者說，「我都知呢條路危險，所以一直都冇超速，當時嘅時速約110公里，而且天氣良好，條路又無濕。」他又說，「當時約早上8時，車行到廣深高速虎門路段，我發現快線上停咗部貨車，煞車時車頭已經撞埋貨車尾，我估蘇生可能係向前飛先受重傷。」
楊表示，事發後自己受傷昏迷，他與蘇的三名朋友則送往虎門急救中心搶救，蘇則重傷不治；楊又透露，每次蘇到佛山傾生意，都會約他來接送，每程車費為450元人民幣。