1）今周主攻萬順昌（1001），博係首長國際（697）翻版，股價有權翻一番。
萬順昌與首國有兩大共通點：
一、萬順昌經營鋼材加工，將鋼材原材料透過切割、沖壓等工序，變成薄張片（FlatSheets）及捆片（Coils），供汽車座椅、排氣管、音響、電腦外殼等製造工業之用。首國產銷鋼材產品，並透過首長寶佳（103）產銷子午輪胎專用鋼簾線。
引入過江龍
二、引進過江龍。萬順昌引入美國鋼材加工翹楚Ryerson入股旗下卷鋼中心加工業務，首國則引入歐洲財團CarloTassara，成為第2大股東，寶佳也引進歐洲鋼簾線一哥Bekaert入股，可見彼此線路相同。
FollowMe今年4月29日再推介首國，當時由0.65元起步，不足兩個月，上周最高升至1.74元，大漲168%。睇好理由係鋼材前景靚與引入過江龍有利。此兩項因素同樣發生在萬順昌身上，但股價只由1.29元升至1.73元，升幅34%，落後甚遠。
內地鋼鐵業務如日中天，根據中國鋼鐵工業協會最新數據，今年首4個月納入統計77戶大中型鋼鐵企業紛傳捷報，實現利潤達486.41億元人民幣，較去年同期大增202%。首國受惠，萬順昌也必蒙利。
萬順昌引入過江龍Ryerson，其實比首國引進CarloTassara更值得睇好。Ryerson來頭仲勁（參閱另文），直接以2.22億港元，入股萬順昌附屬公司，合組VSC-RyersonChina，後者打正旗號，為商譽而戰，一定唔衰得。
Ryerson最拿手係提高加工技術，令利潤倍升。以其在墨西哥廠房處理鋼材為例，每噸售價2000美元，比市價平均售1000美元高出逾倍，令毛利率由12至15%提升至30%。此舉對萬順昌非常有利，可將06年度（3月年結）卷鋼業務下跌86%劣勢扭轉，成為獲利部門。
新計劃洽談中
獲此猛龍加盟，萬順昌聲價十倍。目前已有6至7個新計劃在洽談中，期望在加工技術提升至國際水平後，透過Ryerson在全球130個服務中心，引入歐美客戶進入中國，由合營公司提供優質鋼材產品，前景要另眼相看；以脫胎換骨形容，絕非過份。
2）晶門醞釀大突破
今周副選，翻兜晶門科技（2878）。FollowMe6月10日推介，由1.08元升至1.28元，升18.5%，當然未夠喉，回落至1.07元反彈，上周收1.12元，又係撈底加碼好時機。
晶門看好理由起碼6個，今再補充1個，係技術醞釀更大突破，上周重越20日與50日平均線，MACD熊差距開始收窄，9RSI也回升至50以上水平，周五成交且增76%至22.3球，顯示新升浪即將展開。
有上次投石問路經驗，今次料可突破回購區域上限價1.29元，邁向目標價2.13元。
擦出火花
萬順昌（1001）引入過江猛龍Ryerson，擦出火花可期。主席姚祖輝透露經18個月才物色到呢個猛料拍檔，除彼此業務與企業文化相同外，最重要一點，係呢間百年老字號，有經驗也有極先進技術，可將萬順昌鋼材加工技術檔次大幅提升，對方則借助萬順昌打入內地市場，創兩贏局面。
Ryerson總部設在芝加哥，在紐交所掛牌，代號RYI，上周收38.55美元，較52周低位19.60美元，大升97%，年初至今升54%。內地年產鋼材4億噸，將成為全球No.l；Ryerson搵到有46年歷史萬順昌合作，如魚得水。
高彰坡