【本報訊】油麻地廟街地下的士高被搗破，揭發青少年濫用K仔（氯胺酮）問題相當嚴重，有曾吸食K仔青年指出，現時油尖旺區售賣K仔的持牌的士高已被警方雷厲掃蕩，好K仔者只好轉移光顧地下的士高，加上有酒類供應，索完K後即喝酒使Feeling（感覺）加速而來，更加投入聽歌跳舞。
曾索K青年林仔說：「就咁用鼻索K，可能要10幾分鐘先有感覺，但索完K即飲酒，幾分鐘嚟料，幻覺湧現，揩好多，有時仲控制唔到自己㖭。」
油尖旺區議會議員陳健成指出基於歷史因素，廟街附近一帶舊區之毒品問題主要涉及海洛英，對於有涉及丸仔的地下的士高入侵廟街，他表示憂心。
陳健成表示：「由於多間大型的士高已停止營業，後生仔女吸食丸仔習慣肯定會出現改變，我擔心呢類掛羊頭賣狗肉嘅娛樂場所喺區內形成風氣，會加劇毒品問題，亦影響到居民生活同治安，警方必須加強搜集情報予以打擊。」