【本報訊】恒指升抵22000點，有「香港畢菲特」之稱的恒地（012）主席李兆基提醒投資者，「恒指上到22000點要因住，唔好揸咁多貨。」他本人亦已將一些「濕濕碎碎」股份沽售，中國人壽（2628）則繼續持貨，又承認有認購新股復星國際。
另外，他預期中國經濟發展會「好犀利」，今後20、30年不單會與歐美經濟並駕齊驅，甚至有機會超越，「中國嘅結構同發展係新興國家中最好最快嘅……中國嘅儲備日日增加，日日搵錢；美國就成日借錢，日日窮啲。」中國最重要是有安定環境。
數碼港科技園得個講字
對於本港的國際金融中心地位，李兆基指香港背靠大陸，不斷有內地企業來港上市，今後地位仍會相當穩固，無可替代。對於香港前景，他說：「過去10年，香港喺基建、物流、海運、裝箱、貿易嘅發展都冇乜進步，又話數碼港，又話科技園，全部得個講字。」但他認為，香港目前金融中心的地位穩固，並倚賴金融業的蓬勃帶動各行各業，希望其他行業能「追上嚟，咁就好好啦。」