華華八到，今日開始做上市前推介嘅紙巾股維達，自覺雖然喺操控購物大權嘅師奶層面上知名度爆燈，但喺中環朋友嘅層面就差啲，所以今日開始到上市嗰日期間，同某免費報紙合作喺中環同金鐘隨報派紙巾！
呢個「殺入中環大行動」，喺最開頭嗰陣，有諗過不如隨招股書送紙巾，重夠噱頭！不過，好似話因為有規定招股唔可以送嘢，所以最終都ban咗呢個咁新穎嘅想法。消息人士話，初步每日準備送4萬包紙巾，要攞就快手啦！
但華華總覺得喺中環同金鐘派紙巾呢條橋唔夠勁，想招股反應好一定要去盡啲，應該考慮吓喺超市同藥房派表同收票，一來銷售點多，二來即時有產品睇到，三來吸引師奶買完紙巾買股票嘛！
[email protected]