向來熱愛水上運動的張文慈，不幸因多年劇烈運動致雙腳過份勞損，現時要接受物理治療及注射藥物控制病情，但她日前仍堅持參與龍舟競賽，為亞視出力與無綫抗衡。對於亞視向無綫挖角，張文慈謂：「我唔會怕紅藝員入嚟！」
今年亞視獲大型注資改革兼向外挖角，身為亞視一姐的張文慈（Pinky）日前接受本報專訪時表示，對公司的將來抱有期望，同時很歡迎幕前藝員加入，她說：「我唔會怕紅藝員入嚟，多啲人仲好，熱鬧啲，人越多越能夠做多啲嘢，係相輔相成。」
關節勞損手尾長
向來熱愛戶外運動的Pinky，一直沉迷滑水、泰拳及跑步等劇烈運動，但因腳部關節過份勞損，兩年前更傷及膝蓋軟骨組織，導致她需接受物理治療及透過注射藥物控制病情。
Pinky說：「我好鍾意滑水，無論任何戶外運動我都會去玩，但係醫生話再咁落去手尾會好長，所以𠵱家只可以做吓健身，其他劇烈運動都唔玩得。」
忙於返內地𢱑銀
雖然未能穿上戰衣滑水，但Pinky閒時也會走到海邊親近大自然，今年端午節Pinky也自薦參加扒龍舟比賽，和其他藝員同事一起代表亞視出戰，與無綫及眾傳媒機構競逐獎項。
Pinky說：「公司開頭都驚我唔得，諗住搵我做鼓手打鼓，但係因為要全隊人一齊排練，而我又要返內地工作冇時間，所以我幫手扒。」
採訪：張俊銘
攝影：葉君海
髮型：PatrickSo
化妝：HeidiKam
服裝提供：Quiksilver
