將於8月做母親的張栢芝，商台昨日播出她的錄音訪問，大談近況。對於將為人母，她說：「我覺得好似（人生）行咗一大截，有事業、有家庭，就快又生BB，希望盡量做個盡責任嘅母親。」
談到最近為卡通片《五星級大鼠》配音，她說：「有咗BB之後我未發過脾氣，又唔會大聲講嘢，但配音個角色要經常鬧個男主角，開頭都有啲驚，怕會嚇親個BB，但後尾開始慣。今次接呢個工作，我都係想同BB胎教。」
對食物要求高
問到栢芝喜不喜歡下廚，她說：「我好鍾意煮嘢食，不過老公嘅工人煮嘢食好好，所以我都唔使煮。𠵱家我食嘢要求高咗，希望可以同屋企人食飯，大家坐埋一齊開心傾偈，同埋食物要有營養。」
撰文：王連連