溫碧霞（Irene）早排喺上海拍咗個床上用品廣告，Irene噚日同馮仁昭通電話，佢話個床上用品牌子嘅老闆一家都係佢嘅fans，所以指定要佢拍呢個廣告，除咗有唔錯嘅酬勞之外，仲有大量免費床上用品送。之後Irene又去咗新疆宣傳新劇《康熙微服私訪記5》，佢第一次去覺得環境好靚，仲可以瞓草地同食全羊餐，好有新鮮感。