任達華早前為拍攝新片《跟蹤》，刻意增肥20多磅，更被迫勁食百多個菠蘿油，弄致貪靚的他，留下永不磨滅的肚紋。他日前大吐苦水，指導演要從多角度拍攝該鏡頭，兼且拍檔徐子珊頻頻NG，迫使他食多數倍菠蘿包。
任達華在游乃海首次執導的電影《跟蹤》中，飾演一名平實肥胖的狗仔隊警察，他刻意為這角色增肥，由157磅增至180磅，養出一個大肚腩。在完成拍攝後，又極速收身，回復至原先的磅數，他說：「肥唔難減，但係要好有IQ同EQ。我平時唔敢食嘢，之前為咗增肥，兩個月不停食朱古力同雪糕，戲裏面又要食菠蘿油，我今次拍呢部戲，總共食咗百幾個菠蘿油。」
遺下不滅肚皮紋
雖然任達華成功收身，但其肚皮遺留肚腩暴脹所致的肚皮紋，非常注重儀容的他因此感到不快，更直接影響其自信，他說：「為咗個角色都冇辦法，下次再有好角色，我都會照去做，鍾意就拍。」
任達華在片中與徐子珊有大量對手戲，但由於對方屬銀幕新丁，演出經驗又不多，故經常要NG，任達華說：「佢都好多NG，加上導演要拍幾個角度，搞到我食多4、5倍菠蘿油，佢嘅演技有待磨練，導演花好多時間教佢，佢喺戲入面做得好好。」
寸游乃海冇計劃
首次與導演游乃海合作，任達華指對方像杜琪峯一樣，沒有時間觀念，華仔說：「佢鍾意拍就拍，絕對冇時間觀念，去到現場先至度點拍，但係個人好好，唔發脾氣。」
採訪：張俊銘
攝影：葉君海
