王祖藍（左）噚日接受商台電話訪問澄清冇同蔡少芬（Ada）拍拖，佢哋只係姊弟關係，冇可能拍拖，王祖藍唔明點解起初大家都當笑話咁聽，但自從佢同蔡少芬合照後，就不停被追問，連媽咪都俾記者深夜拍門查問而嚇親。佢話自己一向冰清玉潔，終於傳咗第一單緋聞，但都會叫蔡少芬唔好再講笑，免得令佢追唔到女仔。