組合Cookies由9變4，到各人獨立發展，吳雨霏（Kary）由當初不諳世事的富家女，搖身變成靠歌藝受注目的實力女歌手，近年打扮越發有女人味的她，原來最着緊的不是自己的身段或膚色，而是手指腳趾，還大膽地表示往外國沙灘極想裸曬，怪不得別人說女人味源自自信！
用女大十八變來形容吳雨霏可謂最貼切，由初出道Cookies中的男仔頭，慢慢蛻變到PingPung中的搖滾型女，到現在年僅21歲的她更漸漸充滿女人味，原來Kary最愛趁夏日來臨游水keepfit，她表示跳舞和游水是女性保持美好身段的最佳運動，雖然她熱愛曬太陽，但是Paco卻已下令禁止她曬黑，令到她今個夏日只好打消曬太陽的念頭，反而專注整靚自己的手指甲。
花三小時修甲
Kary日前接受訪問時表示最滿意身體部位就是手指，她說：「對女仔嚟講，手指、腳趾都好重要，而且夏天會着涼鞋，所以一定要保持腳趾整潔，如果一個女仔嘅手指、腳趾靚，男仔都會覺得好性感，所以我每星期都會花兩、三個鐘嚟修手腳甲，有時啲男仔朋友都會話我花太多時間呢！」
戴墨鏡避裸男
Kary還透露每當去旅行時，都會有裸曬的衝動，她說：「如果全部都係外國人就冇所謂，因為我去到佢哋都會以為我患厭食症，所以我唔怕同佢哋有對比，反而如果見到啲外國男仔剝光豬，自己就要戴番副太陽眼鏡就真！」
採訪：駱華齡
攝影：仇志德
髮型：VincePang@ILColpo
服裝提供：SistyrMoon
