應采兒噚日生日，前晚佢同成班朋友喺銅鑼灣一間酒吧慶祝，但過氣男友孫耀威同緋聞男友黃曉明都唔見影。應采兒喺十二點前同幾個朋友到場，一見記者就要人同佢講生日快樂，黃浩然夫婦、連凱夫婦同樂基兒都有到賀，但冇人帶禮物，最騎呢係陳鴻業短褲踢拖上陣，仲木無表情咁攞住袋嘢到，成班人玩到三點幾就離開。