名模姚書軼（Mikki）及李嘉慧等昨日在尖沙嘴演出理大畢業生時裝騷，為支持本地設計師接班人，Mikki昨日更「賣大包」收7折酬勞兼示範性感服裝。同場任評判的馬詩慧指現時太多在商場舉行的時裝騷，沒有grand的感覺，Mikki則認為這是大勢所趨，不失親民。
理大紡織及製衣系昨日假尖沙嘴洲際酒店舉行畢業生時裝騷，台上行騷的有姚書軼及李嘉慧等，台下任評判的馬詩慧則帶同長女曼喜出席。
「感覺親民啲」
昨日展出的學生作品，具豐富創意，其中Mikki示範了大露背及隱約中見性感的作品，記者指Mikki行學生騷也毫不錫身，她說：「當支持啲學生囉，所有大師級最初都係學生嚟㗎嘛，我今日（即昨日）仲減收酬勞，以7折價行騷。」
任評判的馬詩慧則指她的評選準則最注重創意，她說：「學生作品誇張啲都冇所謂。」她又慨歎現時越來越多時裝騷在商場舉行，沒有華麗的感覺，她說：「我始終認為fashionbusiness應該係glamorous啲嘅。」對此Mikki卻持不同意見，她說：「喺商場搞時裝騷已經係大勢所趨，當然同喺酒店Ballroom搞係唔同，不過感覺就downtoearth、親民啲。」
怕女兒俾人呃
再問馬詩慧會否讓女兒做暑期工吸收工作經驗？她說：「我個女仲好細咋，放暑假不如畀佢哋上興趣班，或者帶佢哋去旅行啦，咁早做嘢俾人呃點算？」記者指Rosemary也是14歲便踏足社會工作，她說：「咁每個人嘅情況唔同嘅。」
採訪：RitaLeung
攝影：RickyIp
