羅霖昨日偕同歲半囝囝Johnathan到沙田新城市廣場，出席一BB餐廳活動，她透露剛從灣仔趕拍福音電影《真的戀愛了》過來，片中她與江華合演一對結婚多年、感情越來越淡的老夫老妻。
問羅霖現實生活中，與丈夫劉坤銘也是老夫老妻，如何令感情「保鮮」？她笑說：「係呀，我哋拍拖5年，結咗婚12年，總共17年要講嘅乜都講晒，所以3個仔都幫到唔少，起碼多咗個話題。」
幼子粗生粗養
已是三子之母的羅霖續說：「諗番起第一個仔出世時，佢真係好矜貴，有次去日本旅行，出發時已帶兩個篋，有一篋就係個仔嘅衫仔同尿片，仲緊張到連電飯煲都帶埋，𠵱家個細仔相對之下就好似粗生粗養咁。」
採訪、攝影：JessicaNgan