近排盛傳周慧敏同倪震情海翻波，最近佢就暫時拋開情困，跟隨世界宣明會到全球最貧窮國家之一嘅老撾探訪，除咗探望當地貧民外，又順道探吓好朋友古巨基嘅助養女兒嘉文（右），見到嘉文後，周慧敏忍唔住喺鏡頭前同基仔講：「你個女好似你呀，笑嗰時一模一樣。」話時話，馮仁昭都覺得基仔同助養囡囡幾似樣喎！