在鬧市推巴士算少有的經驗，學生哥網友「七夜逍遙」更從中體會人情冷暖。他日前於Uwants討論區留言，表示6月15日放學後與同學在元朗大馬路等乘巴士往屯門期間，發現一部巴士上客後死火，龐大車身佔據兩條行車線，巴士司機落車求救，希望路人協助把巴士推到路旁，以免阻塞交通。
「過百人望住唔幫手」
網友七夜逍遙與同學及兩位阿叔幫司機推巴士，「呢個經歷真係好難忘，一世仔都唔知有幾次可喺元朗大馬路推巴士。」可惜，五壯士不夠力，司機再向外求救，七夜逍遙於網上慨歎當時「分分鐘過百人望住，但係一個都唔出嚟幫手，真係一次經歷就飽嚐人情冷暖。」最後終於有兩位廿多歲青年加入，巴士才「歸位」。
不少網友讚揚他的熱心行動，並不值旁觀者所為，但網友「風間蒼月」唱反調：「幫手唔係老奉，人哋唔幫，欠咗你？世態炎涼？再涼啲都有。」