上星期一連幾天下大雨，雨季又到，除了雨傘、雨褸等裝備外，為免腳部濕透，一對實用又靚靚的水靴，對於小朋友來說，真是不可少。街市貨已經滿足不到一眾媽媽的要求，市面上花款多多的兒童水靴，已不知不覺攻陷了潮媽媽的心！
記者：蔡蔚心 攝影：伍慶泉
Model：諾文、諾言
回想小時候，如非必要，都堅決不穿水靴，因為太肉酸又焗腳。𠵱家的小朋友就幸福得多了，既有品牌專門設計既舒適又美觀的水靴，又有更多得意卡通人物或公仔做圖案，自此，下雨天也變得可愛起來呢！
家長可能會問，一對水靴賣成$300，值唔值呀？摸上手自然會發現，呢啲水靴用料柔軟，小Model着上之後，跳來跳去也沒有問題！不過家陣未曾摸到，先睇睇外形花款之多之靚，莫講話小朋友鍾意，連大人都心郁郁想買番對，等落雨時着出街晒啦──如果有啱尺碼嘅話。
卡通老友陪返學
多色多款的小童水靴，除咗圖案，卡通人物自然唔少得。其實細路仔都識貪靚，着住靚靚水靴返學，真係上堂都畀心機啲㗎！
嬰兒水靴
這兩款水靴在該舖只有嬰兒尺碼14號，因嬰兒腳的尺碼好快變，所以只揀兩款賣嬰兒size。
法國品牌水靴夠型
這個專做水靴的法國品牌，用料柔軟一點，設計亦不像傳統水靴般死板，連攝影師都說這幾款靴靚得不似水靴，但又有水靴的功能，真好！
中國水靴着臭腳
大阪站老闆娘表示，中國製與日本製的水靴的分別，除了在款式方面之外，以她個人經驗，最大分別是中國製的水靴，好大機會會着臭腳！所以購買水靴時，最好也看看製造地名，為了小朋友雙腳着想，即使中國水靴平一截，還是三思……
鞋底寫明
店舖資料
（A）AIGLE
九龍塘又一城LG2層23號（22658098）
（B）大阪站
元朗教育路嘉城廣場1樓1011號舖（29445711）
＊該舖尺碼有小童15至19號。貨量方面則約1個月入一次貨，如貨源不足，可代客人預訂。
（C）WingOnPlus
九龍彌敦道345號4/F（27106288）
＊該舖MYDL尺碼由小童14至17號