6、7月泰國大減價，CentralWorld、ZEN、SiamParagon、SiamCentre……幾個必去大mall、大百貨公司都有價減，某些連新貨都有折扣，結果我見有闊太一晚豪花10萬掃貨，今次唔使去翟道翟用汗水掃泰國設計喇！
記者、攝影：廖秀娟’
鳴謝：泰國旅遊局
土產家品
anyroom三折
要真正減得多慳得多，當然是買泰國土產，入口名牌，可減空間比土炮少得多；這幾年泰國設計越來越有水準，Greyhound可以打入紐約時裝界、Propaganda家品早已在世界各地攞獎無數，正好趁大減價掃泰國貨啦！
我喜歡泰國家品，先到SiamDiscovery四樓家品總滙。Propaganda尚未大減價，但其他如anyroom、room、habitat、Loft都在大減價中。
anyroom的傢俬大都由自家設計師設計，亦減得頗多，七五折至三折都有，但太大件，很難買回家；細件的泰國家品，有些也減得很盡情，花形的黑色12碟光碟套，HK$174半價減至HK$87，我即時買了2個；白色陶瓷6件茶具，HK$4,398三折減至HK$1,319，可惜這個我搶不到，猶豫之間最後一套都給人手快買起了！
room二折
anyroom隔鄰幾個舖位，room也是賣設計家品的，但它的產品比較fancy、可愛，七彩水晶吊燈、粉紅色沙灘椅，好eyecatching。我去當日正好是它大減價最後一天，但職員說7月會再有一次大減價，某些貨品會減至二折；他率先透露有可能減得多的是七彩吊燈、馬騮仔運動袋和沙灘椅等，都幾用得着。雖然正確減價日期不能透露（怕影響日常生意），但減價期應該最少有一星期，還趕得切起程來掃貨。
anyroom
地址：4Fl,SiamDiscovery,Bangkok10330
電話：（66）2-6580481
room
地址：989,Room417,4/F,Siam
Discovery,Bangkok10330
電話：（66）2-6580410
土炮時裝Greyhound新貨有得減
掃完家品，不能不買還有泰國時裝，單是朋友托買Greyhound的都有幾個，唔去交唔到貨！
Gaysorn商場2樓的FashionSociety，集齊泰國最紅的時裝名牌，Greyhound、Munchu's、FlyNow……一站睇齊泰國頂尖時裝品牌，都幾目不暇給！可惜現時尚未減價，但商場給所有遊客有5%-10%的優惠，在接待處免費申請遊客優惠卡，便可以有此優惠；加上7%taxrefund，都有十幾個巴仙減幅，比香港都仲係平，我咪又忍唔住買咗兩件Greyhound囉！
ZEN新貨八五折
不過我唔算過份，在ZEN百貨遇到三位闊太，竟然一晚花了40萬泰銖，即近10萬港元買護膚品和衣服，我才覺得自己還是很克制！
而想買更多有水準的泰國品牌，ZEN有整整一個DesignerGallery裝載，13位新進設計師在這裏擺檔，睇落一點也不輸蝕給旁邊的名牌，都幾值得投資入貨。
ZEN除了購物節的折扣，每月的13日都有大減價及幸運抽獎日，全部貨品，都有15%至30%折扣，某些舊貨減得更多；每日買滿一定數目，又有免費禮品，咁多優惠，下個月應該會再去多轉！
ZEN
地址：4/5,RajadamriRoadPhathumwan,Bangkok10330
電話：（66）2-1009999
FashionSociety
地址：4th,Gaysorn,999PloenchitRoad,Bangkok10330
電話：（66）2-6561358
出門handbook
簽證：持BNO或特區護照均毋須簽證。
查詢：25216481（泰國領事館）
機票：泰國航空直飛曼谷，價錢$1,898起。查詢： http://www.zuji.com.hk
貨幣：1港元約兌4.3泰銖。
（文中價錢已折算為港幣）
電壓：220V，雙孔圓形及扁形
長途電話區碼：66
旅遊查詢： http://www.amazingthailand.org.hk
下周曼谷常有暴雨，25-32℃
