恭喜謝安琪！賀喜謝安琪！生咗個BB仔。好快到栢芝同子淇，祝佢哋一樣生個肥肥白白嘅BB。想BB健健康康，第一步梗係餵人奶啦！不過，咪以為個個女人餵奶都咁輕易呀，有時都要靠奶泵幫手嘅，咁究竟電泵夠力啲呢？定係手泵舒服呢？今日就教各位媽咪揀適合自己嘅奶泵啦。
記者：梁學文
攝影：陳陶鈞
Model：Yoyo
鳴謝：陪月咨詢站珍姐（96868412）
按生活方式去揀
應該揀手動定係電動奶泵呢？首先唔係了解兩者嘅用途，而係根據個人嘅生活習慣或者職業來考慮，例如平時多留在室內活動或工作，就可以揀比較大型的電泵。所以，用咩類型奶泵，還看媽咪的作息習慣呢！
AmedaLactaline
輕便型電雙泵$1,520
（適合長期留在室內的媽咪）
一般電奶泵要用10至15分鐘，至泵到3至4安士奶，呢款瑞士製造的輕便型電雙泵，則一次可以吸取雙倍份量的人奶，慳到一半的時間。而且可以按個人需要調節吸力強弱，避免弄傷媽咪。另外，呢個泵有防倒流設計，避免人奶進入喉管內。雖然是輕巧型，但是機身較大，不大方便攜帶，戶內使用較佳。
AventaIsis手泵$320
（適合愛戶外活動的媽咪）
有專利的五葉花瓣軟墊設計，緊貼乳房，能按摩乳暈及乳頭附近位置，令媽咪泵奶都泵得夠舒服。採用橫膜上下壓縮的技術，就算是手動，都擁有特強吸力。手泵的好處是可以控制速度及力度，而且夠寧靜。另外，手泵一般都會比電泵輕巧，所以方便戶外活動。唯一的缺點就是要用人力，泵久了都幾攰。
Aventa智能電泵
（價錢待定，適合戶外活動的電泵）
Aventa的智能型電泵能記憶媽咪喜愛的力度，不用每次從新調校。不過吸力就唔多夠，變相增加了吸奶的時間。勝在體積細細，加上亁濕電兩用，室內戶外都啱使。
MedelaMiniElectric
迷你型電泵$690（單泵）
$1,280（雙泵）
（適合奶多又穩定的媽咪）
MiniElectric電泵較適合乳量穩定及噴奶反射良好的媽咪使用，加上全自動的設計，一開就可以吸奶。而且可以接駁任何標準直徑的奶樽，方便儲奶。
MedelaHarmony
和諧式手動吸奶器$368
（無論室內或室外都方便使用）
兩階段手泵操作，先刺激及按摩乳腺，然後依照BB的深吸速度泵奶。奶泵可以調整角度，調節至最舒適的方位吸奶。另一個特點是安裝容易，清洗起來也較方便，不過價錢就較一般的手動奶泵貴。
MedelaSwing思韻型單電泵$1,480
MedelaSwing單電泵是市面上唯一擁有兩階段吸奶功能的單電泵。兩階段電泵能夠模仿BB開始時快速吸啜的動作，以及BB較慢而深吸的吮啜，可以增加母乳的分泌。單電泵的吸力輕柔，吸力夠。價錢略貴，但是為了BB好，都可以接受。
泵奶周邊三寶
媽咪要舒舒服服泵奶，又保持到泵出來的奶水新鮮，可以考慮添置以下輔助工具。
Fridge-to-Go冰堡冷凍保溫袋$108
喺戶外泵完奶，要保鮮，除了要即時放入儲奶袋，亦要放入冰袋保溫，至可以保持人奶的營養。Fridge-to-Go冰堡冷凍保溫袋可以放3個直身奶樽，或者2個闊身奶樽，內置雪種，能有效保持冷凍達8小時。
六甲村樂活枕$259
樂活枕具有多個用途，以立體的剪裁設計，能順應人體曲線。將BB安放在枕頭上面，可以減輕媽咪的負擔。而且布面選用透氣設計，方便吸汗透氣。
Lansinoh即棄母乳儲存袋$79
儲奶袋有助人奶保鮮，又方便攜帶。儲奶袋採用密封雙色拉鏈，防止傾側，唔易倒瀉。袋口上面可以寫上儲存日期，方便保鮮。
泵奶三部曲
如果想泵奶泵得舒服又順暢，泵奶前，可以先按摩胸部再泵，一來會令泵奶過程舒暢點，二來可以增加乳汁的流量。
Step1：
先用手輕按胸口位置，然後慢慢推向乳頭，另一隻手就輕輕的由乳房底部向上推，令胸部放鬆。
Step2：
按完後，用熱毛巾或者暖水袋輕輕敷在胸部上，讓胸部作好準備泵奶。
Step3：
最後調校奶泵的力度，將奶泵放在乳房上開始泵出奶水。
點解要用泵？
當然唔用泵都餵到BB嘅，不過可能餵得冇咁好，奶水出得唔理想，亦較花時間。而且，平時媽咪谷奶，BB又未必要食住，咁就可以泵定出來，既減輕媽咪谷奶嘅痛楚，又可以儲定奶方便餵BB。仲有，如果奶水多而唔泵出嚟，到餵BB嗰陣，可能會因為奶水太多，而令BB嗆親。
托好BB頭至坐低餵
珍姐教路，餵人奶時，媽咪同BB都要坐得舒服；特別注意BB仔頭同頸好脆弱，好易整親，必須先輕輕托好，然後坐低。用軟墊或者毛巾墊住BB，墊好坐好後就可以開始餵。另外，最好坐扶手椅或者梳化餵，可以減輕媽咪雙手嘅負擔。
佢又指出，除咗用工具輔助，最緊要當然係媽咪身體好，至有足夠奶水啦！
店舖：BabyOutlet（28904110）
地址：香港銅鑼灣糖街13號銅鑼灣商業大廈6樓602B室