「點解要擺酒？亂咁嘥錢冇理由。」結婚是人生大事，擺酒卻花錢又繁瑣，即將結婚的網友大蟲的女友為了取個「長長久久」的「好意頭」，居然逼迫大蟲一定要擺99圍酒席，埋單可能要70萬元。問題是，男女方「可請」的親友加起來也沒有這麼多人，擔心場面冷清，事件令大蟲十分惆悵，不知如何是好，惟有求教於網民。
網友Victorkc首先作出回應：「大蟲哥，你只要出句聲，呢度大把人嚟撐你場，如果係免費的話。」網友Xelion就從技術層面指出問題：「99圍？香港有冇咁大個場畀你擺99圍呀？除咗會展最大嗰個hall之外。」
網友fungwu連忙提出折衷辦法：「蟲哥，一係一圍4個人囉，咁99圍都係請396人啫。男女家親戚朋友全部請晒一定夠嘅，再唔係請埋我哋咯，到時最多入張大啲嘅報紙落利是封度做人情又點話。」
「是甚麼千金小姐呀?」
Xelion替大蟲計計數：「如果平均$7,000一圍，乘99即係69.3萬，加一連貼士差唔多都要畀70萬銀。
網友Kitty立即追問大蟲：「你女朋友是甚麼千金小姐大人物呀，咁巴閉？徐子淇都冇咁晒命啦。」網友bo12088就幽默地說：「99圍都唔夠喎，大蟲哥開夠999圍啦，長久啲嘛！」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]