網友真人喺《香港討論區》度話，「大家持有好股票，就算唔升都要忍，好股唔怕守㗎，唔好畀啲上上落落嘅股價擾亂自己，以為自己分析錯咗，最錯就係沽錯好股、買錯垃圾股。」
網友Beixingxia好同意，「你知佢係好股，唔升只係運氣未到，唯一辦法就係等！」Sunandshan亦認為：「股票係玩輪流轉，今日唔升，遲啲就輪到你，唔好自己轉埋一份。」所以網友Nicole20071話，「我一定唔會放咗中交建（1800），以免重蹈覆轍。」但網友atoms就話：「最大問題係冇彈藥買咁多好股，見到自己隻好股唔識升，其他嘅就係咁升，真係唔知點算，放又唔係，唔放又唔係，真係吹脹。」
Nonbeing有個好慘痛嘅經歷，「好多好股我都擁有過，但今日我已經同佢哋天各一方，好似恒安國際（1044）、中遠國際（517）同埋玖龍紙業（2689），早排又做咗件傷害洛陽鉬業（3993）嘅事，希望佢會原諒我，如果可以嘅話，我希望等到十三個三先放佢。」
http://www9.discuss.com.hk/viewthread.php?tid=4467599&extra=page%3D14&page=1
註：《天各一方》原曲由曾露德主唱，由俞琤獨白