本地銀行界最近有多位高層辭職或者轉工，估唔到銀行界呢股變動風潮已蔓延到祖國。噚日外電就報道，中國人民銀行副行長項俊波會調入農行做行長，是關該行正進行股份制改革，仲話完成後佢可能會出任董事長。
據人行網站講，項俊波02年出任審計署副審計長，04年7月做人行黨委委員、副行長，05年8月仲兼任人行上海總部主任。至於現任農行行長楊明生，消息就話佢會調任中國保險監督管理委員會副主席。
另外，上海浦東發展銀行亦會有人事變動，原中國銀監會官員徐風有望出任新行長。據報，徐風原為銀監會監管三部主任，負責對國內所有外資銀行業務進行監管，6月答應出任浦發行長後已辭去職務。至於現任行長傅建華將留任董事一段時間，並有可能升任浦發副董事長。