洛杉磯湖人球星拜恩最近鬧轉會，日前仲去咗西班牙同班主畢斯密會，話明要走人；不過湖人嘅發言人就死口唔認有關消息，只話兩人係私人會面云云。可能高比仔都收到風，所以佢噚日特登喺自己嘅網站重申立場，講到明同管理層就球隊嘅未來發展分歧好大，冇乜可能繼續合作。睇嚟高比仔去意已決喇。