梁孔德（圖）上個禮拜高調公佈參選下屆足總主席，並自爆同馬會有共識，只要當選就獲撥2億元基金推動足運；又話會整隊波上去踢中超。不過馬會日前就發表聲明，話從來冇同梁生傾過；而國內傳媒亦有報道，指中國足協冇準備接納香港球隊踢中超，就算成事都係踢中乙。睇嚟梁生嘅競選政綱都要作唔少修改嘞。